SHILLONG: Ka college ba pawnam bha ka nongbah, ka St. Anthony College, Shillong ka la shim ia ka sienjam ha u snem 2014 ban seng ia ka Evening College na bynta ban iarap kyrpang ia ki samla kiba duk, kiba duna ka ioh ka kot, kiba bylla sngi hynrei kiba angnud ban leit pule.
Ia kane ka Evening College la seng ki samla pule barim kane ka college, ka Anthony’s Alumni Association.
U Principal ka skul, u Fr. Arcadius Puwein u la iathuh ba ia kane ka Evening College la sdang ha katei ka snem, ka long ban iarap kyrpang ia ki khynnah kiba duk, kiba bylla, kiba iarap dalade ialade, kiba kwah ban iarap bad kyrshan ia la ka iing ka sem, ha kaba ki leit bylla myn sngi bad wan klas ha ka por janmiet.
U la ong ba kito kiba ioh 50 mark shapoh ha ka Arts Streams bad 55 mark shapoh ha ka Commerce, kiba kwah ban wan pule ki lah ban thep admission. Kawei kaba ka bor pyniaid ka iarap kyrpang ia ki, ka long ba lada ki leh bha ia ki eksam, ki wan klas bha 85 percent, ia ka jingsiew bai rung klas ha college, la pynphai biang man u snem haduh ba kin dep pule haduh lai snem.
La iathuh ba kiba bun kiba wan pule ki dei na jaka nongkyndong kiba wan sha sor ban bylla hynrei mynta la bun kiba la trei ha ki kam bapher bapher ha ki kam sorkar, bad kiba la seng kam lajong.
Lyngba ka Evening College, iarap ka St. Anthony ia kiba duk
