SHILLONG: U MLA ka Nongpoh u bah Mayralbon Syiem ula pynjai jai ia ki paidbah ba kim dei ban leh shongshit ne ban thaw jingmut haba ki wan ban ai mynsiem ia ka kong Bandis Syiem kaba dang shah thngan ha phyllaw ka Additional Secretariat, Shillong.
U bah Maybralbon ubala synran lang ia kane ka longkmie ha katei ka jaka baroh shimet, naduh hynnin ka sngi haduh mynta, u la ong ba ki paidbah kiba wan na thain Ri-Bhoi kim dei ban thaw kano kano ka jingbym sngew tynnad hynrei dei ban pyni ia ka akor ka burom jongki.
Ka kong Bandis ka la sdang ia ka jingshah thngan naduh ka 6 tarik Jylliew 2024, ban dawa maramot noh ia ka surok kaba sniew na Nongpoh-Umden sha Sunapur.
Haduh mynta ka miet, la iohi ba u bah Mayralbon ula don beit bad ha katei ka jaka bad u MDC u bah Balajied Rani ban synran ban pynshngain ia ka kong Bandis.
Katkum ka jingtip, ka kong Bandis kan leit iakren lashai ka sngi bad ka sorkar ha ka por 2 baje bad la khmih lynti ruh ba kan weng noh ia ka jingshah thngan.
Shngain ki paidbah ba synran lang u MLA ka Nongpoh ia ka kong Bandis, lashai yn leit iakren bad ka sorkar
