SHILLONG: Mynta ka janmiet, ki nongkitkam ka Seng Voice of the people party (VPP), Hynniewtrep Youth Council (HYC), ka Hynniewtrep Integrated Territorial Organisation (HITO), kumjuh ka Confederation of Ri Bhoi People (CoRP) kila leit ai jingkyrshan ia ka kong Bindas Syiem kaba shah thngan ban dawa pynbha noh ia ka surok Nongpoh-Umden-Sonapur kaba la jot rathai.
Ka kong Bindas ka la shah thngan ha phyllaw ka Additional Secretariat hynrei la ioh jingtip ba ka bor district ka la beh noh ia ka, ban mih noh na katei ka jaka. Hynrei ka kong Bindas ka la ong ba kan ym pyndem bad lada ki rah sha phatok ruh kan shah thngan beit haduh ban urlong ka jingdawa.
Ki nongialam jong kine ki seng kila iakynduh iaka kong Bindas Syiem ha katei ka jaka, ban ai mynsiem ia kane ka sienjam ba ka la shim ban rai kut ban shah thngan haban da iap, lada ka sorkar kam leh eiei ia katei ka surok, kaba la pynsuhsat ia ka leit ka wan jong ki paidbah.
Ki la ong ba ka jingiakhih jong ka Bindas Syiem ka long kaba dei bad kaba shnong Nongrim bad kumta na ka liang jongki, ki ai ka jingkyrshan.
Kila ong ba ka bor district ka dei ban ai lad ia ka bad ka party ruh kan don rynkat bad ka jing dawa jong ka kong Bindas Syiem.
Yn shah thngan beit da ki rah sha phatok ruh, kyrshan ka VPP, HYC, HITO, CoRP ia ka longkmie
