SHILLONG: Ka elekshon sha ka Lok Sabha ka la sakhi ia ka jingioh jaka ki pateng jong ki nongialam ba dang samla ha ka rysan sain pyrthei. Napdeng ki saw ngut ki samla ba dang 25 snem ba shah jied kum ki MP sha ka Lok Sabha, lai ngut ki dei ki kynthei bad uwei u shynrang.
Ki thei samla kiba shah jied MP ki long ka Priya Saroj, Shambhavi Choudhary, bad ka Sanjana Jatav.
Ka Priya Saroj ka don 25 snem bad ka dei ka riew said ain ka Supreme Court kaba jop 35,850 vote na ka seng SP na Machhlishahr konstitwensi. Ka dei ka khun u MP barim u Tufani Saroj.
Ka Shambhavi Choudhary ka dei ka khun u Ashok Choudhary, u myntri ha ka sorkar u Nitish Kumar ha Bihar, ka la jop na Samastipur constituency da kaba pylliem ia u kyrtong ka Congress u Sunny Hazari ka seng JD(U) uba dei u khun u myntri sorkar u Maheshwar Hazari.
Ka Sanjana Jatav ka la jop na Bharatpur constituency ha Rajasthan. Kane ka thei samla ka la pylliem ia u kyrtong ka BJP u Ramswaroop Koli da 51,983 vote.
Uwei pat u dei u samla Pushpendra Saroj uba la pass na Queen Mary University, London, uba jop na Kaushambhi na ka seng Samajwadi Party da kaba pylliem ia u kyrtong ka BJP u Vinod Sonkar da 1.03 lak vote. U kpa jong u, u Inderjit Saroj, u dei u MLA ha Utter Pradesh.
Lai ngut ki thei samla, uwei u samla ba 25 snem, kiba shah jied MP ka Lok Sabha
