SHILLONG: Mynta ka shiteng ka 4 tarik, ka seng Hynniewtrep Territorial Integrated organisation (HITO) ka la kyndar ia ki dukan ha Iewduh kiba la pynsah briew wat hadien ba la mana na ka KHADC bad ka Hima Mylliem.
Ha kane ka jingkyndar, ka HITO ka la lap kumba 5-6 tylli ki dukan kiba dang pynsah briew bad hadien ba la maham, ka la aiti sha ka Hima bad ka KHADC kiba don lang ha kane ka jinghiar ka seng sha Iewduh.
U President ka HITO u bah Donbok DKhar u la ong ba ka seng kan leit kyndar biang lashai ka sngi bad ka KHADC bad ka Hima Mylliem ki dei ban pynshitom ia kito kiba ialeh pyrshah ia ka hukum.
U la ong ba kine ki jaka kiba leit kyndar ki dei kiba la ioh ia ka jingujor na ki paidbah kiba ju mlien ban pynsah briew por mynmiet. U la ong ba ym lah ban shu ai daw ba hap ban sahmiet tang namar ba dei ki dukan sha ne dukan ja.
Kyndar ka HITO ia kiba sah miet ha Iewduh, dawa ban weng ia ka License
