SHILLONG: U symbud myntri rangbah uba dei peit ia ka tnad pynroi sor u bah Sniawbhalang Dhar u la ong ba ki la don kumba 3 n3 4 tylli ki jaka ba ka sorkar ka la pynkhreh ban jied khnang ban buh ia ki nongdie madan ha ka nongbah Shillong.
Haba kren mynta ka sngi, u bah Sniawbhalang u la ong ba haduh mynta ka sorkar ka dang bishar bniah ia kine ki jaka, shwa ban rah ia ki nongdie madan kiba la ithuh ka sorkar.
Halor ka jaka theh niut, u la ong ba na bynta ka Shillong, ka sorkar kan leh biang ha kajuh ka jaka bad yn sa khot ia ka jingsngap paidbah ruh shen.
U symbud myntri rangbah u la ong ba ym donkam ban khuslai namar ba ka sorkar kan pyndep ia kane ka kam kloi katba lah. Ha kajuh ka por, u la ong ba na bynta ka Jowai ka sorkar ka dang khot ia ka Expression of Interest ne EOI katba ia ka jaka ha Williamngar la dep ioh ban pyllong kum ka jaka theh niut.
Ym pat lah rai ka sorkar haei ban buh ia ki nongdie madan: Sniawbhalang
