SHILLONG: U Deputy Commissioner ka East Khasi Hills, u SC Sadhu u la pynjynsur noh ia ka kyndon 144 CrPC ha ka sngi niew vote, ka 4 tarik Jylliew 2024.
Hadien ka jingiasyllok bad ki seng saiñ pyrthei ka Jylla, la rai ban pynjari noh ia ka kyndon 144 CrPC tang ha jaka ba niew vote katba shabar ki jaka ym don shuh ka jingmana, tangba kano kano ka seng sain pyrthei kaba kwah ban iaid paidbah ka dei ban phah jingthoh sha u DC.
U DC u la iathuh ba la weng ia ka jingmana ban iaid paidbah ha ka sngi niew vote, da kaba pyntreikam ia ka Section 144 CrPC tang ha ki jaka niew vote, bad u la iathuh ba kano kano ka seng saiñ pyrthei kaba kwah ban pynlong ia ka jingiaid jingjop ki lah ban phah da ka jingthoh na kano ka lynti ne ka thain ba ki thmu ban iaid, ban pynthikna ba kan nym don kano kano ka jingpynthut.
Na ka liang u Sadhu u la kyntu ia ki paidbah ban ai ka jingiatreilang bad ki bor synshar district ban pynneh ia ka aiñ ka kanun bad lada don kano kano ka jingpynkheiñ aiñ yn shim kam da kaba tyngeh.
Kiba iaid lehkmen jop eleksho, hap iathuh ia ki lynti iaid, ong u DC
