SHILLONG: U myntri ka tnad iada mariang u bah Kyrmen Shylla mynta ka sngi, u la pyntip ba katkum ka jingkhein kaba la ioh ka sorkar haduh mynta ka sngi, ki don 558 tylli ki shnong bad 1423 ngut ki briew kiba la shah ktah ha ki 11 tylli ki district ka jylla na ka jingwan iaid lynti ka eriong remal.
Napdeng baroh ki district, dei tang ka South garo Hills ka bym pat lah ban phah ia ka kaiphod sha ka sorkar halor kane ka jingjia ka bor mariang.
Nalor kine, u myntri u la pyntip ba 5 ngut ki mynsiem kila duh ha kane ka jingjia ka bor mariang kynthup uwei ha East Jaintia Hills bad saw ngut ha East Khasi Hills. Saw ngut ki mynsiem briew kila shah ban ha ka twa ha shnong Nongpriang hynnin ka sngi.
Haba ai jingtip bniah halor kane, u bah Kyrmen u la iathuh ba ki shnong kiba shah ktah ha kane ka jingwan ka eriong remal ki long 67 tylli ha East Khasi Hills, 45 ha East Jaintia Hills 45, 19 tylli ha Ri Bhoi, 23 tylli ha Eastern West, 29 tylli ha South West Khasi, 21 tylli ha South West Garo, 139 West Garo Hill, 92 ha East Garo Hills, 105 ha North Garo hill, 11 ha West Khasi bad 7 tylli ki shnong ha West Jaintia, katba na South Garo hills ka dang ap ia ka kaiphod.,