SHILLONG: Saw ngut ki briew la suba ba kila iap na ka jingban ka twa ka khyndew ha ka shnong Nongpriang, kaba hap ha Sohra konstitwensi jong ka Sohra Civil Sub-Division, East Khasi Hills District.
Kane kala jia ha ka shnong Nongpriang kaba hap ban iaid kjat sha them namar ba kam pat poi surok.
La suba ba kine ki 4 ngut ki briew kila shah tap lup ha ka khyndew kaba twa bad leit rat ia ka iing ba ki sah jongki.
Ka kynhun ai jingiarap kila hiar mar mar sha katei ka jaka ban wad ia ki briew kiba dang im.
La iathuh ba napdeng kine ki briew kiba khlad, ar ngut ki dei kiba la tynmen bad uwei u dei u khynnah ba dang 16 snem ka rta.
Kiba khlad la tip kyrteng kum u Bah Phisar Nongrum ba 75 snem, Bah Kynmaw Syngai ba 70 snem, Kong Benti Riahtam ba 60 snem bad u samla Lumlang Riahtam ba 16 snem.
La iathuh ba u bah Kynmaw Syngai, kong Benti Riahtam bad Lumlang Riahtam ki dei na kajuh ka longiing.
Khlad uwei, dang jah 3 ngut ba rat ka twa ia ka ïing ha Nongpriang
