SHILLONG: U Deputy Commissioner ka West Jaintia Hills u bah BS Sohliya, u la pynjari da ka kyndon 144 CrPC ban mana pyrshah ban tih shyiap, tih maw, sait jain, bret jaboh bad theh khyndew sha wah Myntdu bad ki tnat wah ba tuid sha ka.
Ha ka hukum, u DC ula ong ba ka jinglong ka wah Myntdu bad ki tnat wah jongka, kila shah ktah bad sniew na ka jingtwa khyndew bad ka jingtuid ki jaboh kiba la bret ki briew sha ka wah. La don ruh ka jingtih maw beain ha lynter ka wah bad ka jingtheh khyndew na ka jingtih surok ka PWD, bad kine kila pyllong ia ka wah ba kan sniew bad don ha ka jingma, haduh ba ka um kaba la sam sha ki paidbah ruh ka la jaboh.
Halor kane, la bthah ia ka PWD bad ki kontraktor ba kin pynthikna ba ka jingshna surok ka dei ban sangeh haduh ba la pynbiang shwa ia ki lad ki lynti ban sangeh ban theh khyndew bad kiwei kiwei ki jaboh sha ka wah Myntdu. U DC u la khang pyrshah ruh ban tih maw, shyiap, sait jain ne bret jaboh, ki jingsop sha ka wah bad ia kiba leh pyrshah yn pynshitom.
Da ka 144 CrPC maham u DC West Jaintia ban tih maw, sait jain, bret jaboh sha wah Myntdu
