SHILLONG:Namar ba dang lah ban kyndang hi da ka bor jong u briew, ka seng Hynniewtrep Youth Council-HYC mynta ka sngi, ka la shu pynap noh ia ka Puhshilum -JCB.
Ha ka jingshisha, ka HYC ka la wanrah da ka Puhshilum ban pynpra ia ki ïing basah ki briew kiba la kynnoh ba ki dei ki poiwir ha Lum Survey hynrei, tang ka bor jong ki dkhot ka seng kila lah ban leh, kumta ka la shu buh pynap noh ha Them Bijoy ia ka Puhshilum.
Katkum ka jingong u President ka HYC bah Roikupar Synrem, ki don kumba 80-100 eiei ki tnum ïing kiba shu sher dara bad tap lyntang kiba don ha katei ka jaka, kiba la suba ba ki dei ki poiwir kiba shu wan naei re naei.
U bah Roikupar u la ong ba katei ka jaka ka long kum ka ktem ki kam sniew ha kaba ka la don ka jingdih bad khaïi drok ka jur bha na katei ka jaka. U la iathuh ba ka seng ka la shim ia kane ka sienjam hadien ba ka bor district kam shym la ai jubab bad leh eiei wat hadien shi taiew ba la dep ban ai por.
U la ong ba mynta ka seng ka wan tang da ka kti bad ki dieng hynrei lada hap ban wan biang, kan wanrah da ki pushilum syndon.
Ka seng Hynniewtrep Youth Council -HYC ka la maham ia kito ki briew kiba sah ha Lum Survey ba kim dei shuh ban wan phai biang ban sah ha katei ka jaka bad lada ki dang wan biang, ka seng kan leh da ka bor ruh.
U President ka HYC u bah Roikupar Synrem haba kren sha ki lad pathai khubor, u la ong ba mynta ka sngi ka seng ka shu pynpra tang ia ki ïing jongki khlem ktah eiei ia ki briew bad ka la ai ka khubor kaba tyngeh ba kim bit ban wan phai biang bad lada dang lap, ka seng kan leh da ka bor ruh.
Katkum ka jingong u President ka HYC, ki don kumba 80 eiei ki tnum ïing kiba shu sher dara bad tap lyntang kiba don ha katei ka jaka, kiba la suba ba ki dei ki poiwir kiba shu wan naei re naei.
U bah Roikupar u la ong ba katei ka jaka ka long kum ka ktem ki kam sniew ha kaba ka la don ka jingdih bad khaïi drok ka jur bha na katei ka jaka. U la iathuh ba ka seng ka la shim ia kane ka sienjam hadien ba ka bor district kam shym la ai jubab bad leh eiei wat hadien shi taiew ba la dep ban ai por.
U la ong ba mynta ka seng ka wan tang da ka kti bad ki dieng hynrei lada hap ban wan biang, kan wanrah da ki pushilum syndon.
Ki jaka ha ka Cantonment Board ki dei ki ktem jingsniew jingdih bad khaïi drok kaba jur tam ha ka nongbah.
U la ong ruh ba ka seng ka dang leh bad lada donkam kan sa khot lang ia u paidbah ban iamih nangne shakhmat.
Pynap ka HYC da ka Puhshilum ha Them Bijoy ban kyndang ia ki ïing poiwir ha Lum Survey
