SHILLONG: Ka la mih ka jingiapyni nia hapdeng ki nongdie madan bad ki nongkitkam ka shnong Mawiongrim mynta ka 12 tarik Rymphang 2024, ha jaka peitkai ia ka pung Umiam.
Kane ka mih ka jingiani nia ka dei hadien ba ki nongdie madan kila leit ban die jingdie ha katei ka jaka khlem ka jingbit ne kynjoh ktien na ka shnong, kaba la ju mana ban die jingdie ha katei ka jaka.
Ka bor shnong ryngkat ki pulit na Mawlai Police Station kila leit ban beh noh ia ki na katei ka jaka, namar ba ka shnong kam shah ban die jingdie ha katei ka jaka.
U Rangbah Shnong ka Shnong Mawiongrim u Bah Sorbar L Nongpiur ula ong ba ka bor Shnong kam shah ban shong die man ha Ryndangbriew Viewpoint bad ula kam ba ki nongdie madan ki leit die jingdie khlem kynjoh ktien ia ka Dorbar Shnong.
Katba ki katno katne ngut ki longkmie kila kam ba kila shong die jingdie naduh u snem 2015, bad ym don kiba wan tuklar hynrei dei hadien ba kila sdang heh ka die ka thied, kila shah pyndik bad shah khang lad.
Kila pynpaw ba kin pyrshah ia ka jingkhang jubor ka shnong.
Kila pynpaw ba kim treh ia ka jingthmu ban pynkhalai nusip ban ioh die jingdie bad kin dawa ban ailad ban shong die jingdie kumba ju long.
Beh ka shnong Mawiongrim ia kiba wan die madan khlem kynjoh ktien shwa
