SHILLONG 30, Jylliew: Ka jingialang ki Shongknor (Speaker) jong ri ba shah synshar mynshwa ha ka ri Bilat, kan long ha Shillong ha ka taiew ba khadduh jong u Naitung mynta u snem.
U Shongknor ka ïing dorbar thaw ain ka jylla Meghalaya u Thomas A Sangma ha ka social media page jongu, ula pyntip ba ula khot sngewbha ia u Shongknor ka Lok Sabha u Om Birla ban iadon bynta ha kane ka prokram.
Kane ka jingialang ka CPA (Commonwealth Parliamentary Association) kan sakhi ia ka jingwan iashim bynta ki Shongknor bapher bapher ban iasam ia ki jingtip, ki jingmut, ki jingshem jinglap jongki na bynta ban pynkhlaiñ ia ka jingiadei ka jingiajan hapdeng kine ki ri.
U Thomas ula kynduh ia u Om Birla, the Hon’ble Speaker, of Lok Sabha ha 20, Akbar Road, New Delhi, ha kaba ula khot sngewbha ban wan iashim bynta ha katei ka jingïalang kaba ju long shisien shi snem.
Ka jingialang ki Shongknor ki ri synshar dohlieh ha Shillong
