SHILLONG, Jylliew: Mynta ka janmiet, la ioh jingtip ba kala mih ka huri hura hapdeng ki shipai BSF bad ki paidbah ha Lad Umsyiem hadien ba la kynnoh ba ki BSF kiba la pynthut ia ki briew kiba mut ban leit sha Dawki. La iathuh ba ka jingjia ka heh ka dei namar ba uwei u nongniah kali u la shah knieh ia ka License ha ki BSF bad hangne, katba nang iakren, la nang wan ki paidbah bad kila tur haduh ba ki BSF kila hap ban siat pyntieng ban pynpra ia ki paidbah. La iathuh ba la bunsien ki BSF kila siat sha suin, bad ym pat tip la ki don ne em, kiba mynsaw ha kane ka jingjia hynrei ka video ka la saphriang ba don ba mynsaw ruh ha kane ka jingjia.
Haba iakren bad u rangbah shnong ka Umsyiem, u la iathuh ba u dang don ha katei ka jaka ban iakren pynbeit bad ki heh shipai BSF.
Mih huri hura ha Lad Umsyiem, siat pyntieng ki BSF ba ther maw ki paidbah ia ka ktem
