SHILLONG 23,Jylliew: Ka Executive Committee jong ka Khasi Hills Autonomous District Council ka la rai ban pynjlan ia ka rta thungkam ha ka Council sha ka 37 snem kumba la leh ka sorkar jylla. Ia kane la leh katkum ka Khasi Hills Autonomous District Service Amendment Rules 2023.
U Chief Executive Member ka Council u bah Pyniaid Sing Syiem u la pyntip mynta ka sngi ba kane ka jingpynkylla ka iadei bad ka jingwanrah ia ka jingpynkiew iaka rta ioh kam ioh jam katkum ba ai ka sorkar jylla.
Kawei pat kaban rah ha ka dorbar ka long ban pynkylla ia ki katto katne ki bynta jong ka Khasi Hills Autonomous Protection and Promotion of Khasi Traditional Medicines 2023, bad ka jingpynkylla ka dei ban pynbha ha kaba iadei bad ka syrnot ia ki nongai dawai kynbat Khasi.
U CEM u la ong ba yn sangeh shwa ban rah ia ka Bill baibam tymmen jong ki MDC namar ba kane ka kam ka dang don ruh ha High Court.
Ha kajuh u la ong ba ka CEM, u la iathuh ba ka EC ka la bthah ia ka tnad Eleka ban pynkhreh ban wanrah ki ain jong kito ki Hima, Elaka ki bym pat don ki ain.
U la ong ba ka mang tyngka jongka Council yn wanrah lashai ka sngi.
Pynjlan rta rung kam ka KHADC sha ka 37 snem
