SHILLONG 20, Jylliew: Ka la don ka jingktah ha ka leit ka wan ki kali ha Rngain jong ka surok Shillong-Pynursla-Dawki na ka jingkhim ka surok na ka jinghap ka khyndew ha kine ki sngi. Haduh mynta ka 20 tarik Jylliew 2023, ka la don ka jingsahkut kali namar ba hap ban iaid kawei pa kawei khamtam ki kali ha ka jaka ba twa na ka daw ba la pynkhuid tang ban lait kali.
Don ki nongleit nongwan kiba pynpaw ba kan bha ia ka bor ba dei peit ban buh pulit ha katei ka jaka ban pyniaid kali khnang ban lait na ka jingsahkut bad ka jingma.
Lah ban kdew ba ki don katto katne ki bynta ha katei ka surokbah NH-40 ba la hap ka khyndew kynthup naduh harum Laitlyngkot ha kaba la pynkhuid tang ban lait iaid salit ki kali, nangta ha Rngain ruh kumjuh.
Ktah ka leit ka wan ha surok Rngain ba khim ka surok na ka twa
