SHILLONG 19, Jylliew: Mynta ka sngi, ki pulit ka East Jaintia Hills kila ioh kurup 2.738 kg u drok na ka kali Nagaland ha Nongsning kaba hap ha Lad Rymbai Police Station.
La kem ar ngut ki briew ba kynthup u Biaklian Guite na Manipur bad u Imliakum Longkumer na Nagaland, kiba kit ia u drok ha kali Tata Winger (NL 07T 0815). Ia kane ka kali la ioh bat ha ka por 6:15 Pm. Ha ka jingtalasi, ki pulit kila ioh kurup 200 song sabon ba song ia u drok (Heroin) rong sohniamtra. La pynngat ain ha Khliehriat PS bad ka jingtohkit ka dang iaid.
Na kine ar ngut, la ioh kurup ruh 2 tylli mobile phone, ka pisa T. 2500.
Tam 2 Kilo u drok, ioh kurup ki pulit ka East Jaintia Hills
