SHILLONG 19, Jylliew: Ha ka por kumba 11 ba je ei ei jong ka 18 tarik Jylliew 2023, ka Khasi Students Union bad ka Seng Ri Bhoi Youth Organisation Umling Unit ka la ioh bat 25 ngut ki mynder kiba wan rung rieh shi trok ML 10B 7798.
Kitei ki mynder la shem ba kim don satia ki kot ki sla kiba biang bad ki la pynkhein ia ka Aiñ Inter-state Migrants Workmen (Regulations of Employment & Conditions of Service) Act 2011.
Haba kylli shaei ki thmu ban leit, ki khlem ai ia ka jubab kaba shai hynrei don napdeng jong ki kiba jubab sha Shillong bad don kiba jubab ha Umsning.
Kine ki ar seng ki la pynphai noh mardor ia kitei ki Mynder da katei kajuh ka truck bad la mana ba ym dei ban ialam ia ki Mynder khlem ki kot ki Sla kiba biang.
Pynbat shkor ka KSU bad RBYO ia ki mynder ba wan rieh da ka trok
