SHILLONG 18, Jylliew: Ka Health Committee jong ka Balang Presbyterian Nongthymmai Shillong ryngkat k Seng Kynthei Lumbasuk – A Unite bad ka Dorbar Shnong Lawjynriew ha ka 17 tarik mynta u bnai Jylliew 2023, kila pynlong ia ka jingialang pynsngewthuh paidbah halor ka jingsniew u Drok uba ktah ym tang ia ka koit ka khiah jong u ne ka shimet, hynrei uba ktah ruh ia ka imlang sahlang.
Nalor ka jingpynsngewthuh halor ka jingsniew une u jaid jingdih pynbuaid, ha kane ka jingialang la pynsngewthuh ruh halor ka Ain kaba pyrkhing ban die bad ka jingshah pynshitom haka Ain da kaba set byndi ia kiba don kti ban khaii Drok. Ki riew shemphang kynthup u Keshav Lamsai na ka KRIPA Foundation bad u Additional SP Law and Order ka East Khasi Hills District u Bah SS Dkar, MPS kiba la batai bniah ia ki phang.
Ia ka jingialang la pyniaid ka Dr. Valencia Myrboh ha ka jingsakhi lang u Rev. NB Diengdoh, u Rangbah Shnong ka Shnong Lawjynriew u Bah SB Kharshandi bad kiwei di ki nongkitkam.
Mih ka Balang Nongthymmai ban pyrshah drok
