SHILLONG 10, Jylliew: Ar ngut ki kynthei kiba jah na Golflink Khliehshnong bad kawei na Pynthorbah kila poi sha shnong Tumpreng kaba don ha West Karbi Anglong. Ki pulit ka East Khasi Hills kila lap ia ki na ka ïing kiba haïing jongki.
Katkum na ki pulit, kila ioh ia ka jingujor ar tylli ha Pasteur Beat House ha ka 13 tarik Jymmang 2023, ba kawei ka khynnah ba 13 snem na Golflinks Khliehshnong bad kawei kaba 15 snem na Pynthorbah kila jah.
Ki pulit ka Sadar PS kila pynlong ia ka jingtohkit bad ha ka jingtohkit la tip ba kine ki dei shi paralok bad ki pulit kila phah jingtip sha kylleng ka ri ban wad ia kine ki khynnah. Hynrei ka Missing Desk ka East Khasi Hills kaba ialam u Hav. Sanjit Pandey bad u SI Topon Marak kila shim khia ban wad ia kine bad mynta kila lap ia ki na katei ka jaka bad ka jingtohkit ka dang iaid, balei ki phet sha katei ka jaka.
Poi Karbi Anglong ki khynnah na Golflink bad Pynthorbah
