SHILLONG 06, Jylliew:Â Ka ring raikhoh ka pung Umiam namar ka jingduna slap ka la jan poi sha u pud ban hap khang noh ka jingpynmih ia ka bording.
U Myntri Rangbah ka jylla u Conrad K Sangma u la ong mynta ka sngi ba ka jingkyrduh bording kam dei tang ha kane ka Jylla, hynrei jan baroh ki Jylla ha ka ri ki iakynduh ia kane kajuh ka jingeh, namar ka jingduna palat u slap.
Katkum ka jingong u Conrad, ka Sorkar ha ki ar snem ba la dep ka la pynlut kumba T.600 klur na ka jingioh jong ka Jylla ban pynbiang bording, kynthup ban thied ia ka bording. U la ong ban pynioh ia ka bording, kumba ka long mynta ka Sorkar ka hap ban pynlut T.3 klur manla ka sngi ban thied ia ka bording, bad lada dang iai bteng ka jingtyrkhong ha ki 100 sngi ban wan, ka Sorkar kan hap ban pynlut shuh shuh sa kumba T.3 klur tang ban thied ia ka bording ban pynlong kumba ka long mynta.
U la ong ba ka jinglong jingman ka long kaba jyrwit jyrwat bha ban pynthikna ban nym palat ka jingpynlip bording ban ia kaba mynta, bad bynrap ba ka Sorkar ka pyrshang ban pynbiang la kumno kumno kumba ka long mynta.
U Myntri Rangbah u la ong ba mynta donkam ban pyrkhat ïar, bad ka solar mission kan dei kawei ka lad ban iarap ia ka Jylla, warla kan shim por bad kyrmen ba ha ki 2 bad 3 snem yn lah ban pynbiang bording da ki bor jong ka sngi, bad ka Sorkar ka pynkhreh ruh ia ki Thermal plan khamtam na ka pynbiang bording ha ka Jylla.
Ha kawei ka liang u Conrad u la ong ruh ba tnat bording bad ka MeECL ka iakynduh jingeh bha, khamtam ba ia ka dor jong ka bording la buh beit da ka regulatory commission, ha kaba ka dor ia ki paidbah ka long T.6 shi unit katba ia ki karkhana ka dork a long tang T.5 shi unit, wat haba ka Sorkar ka la kyrpad ba ym dei ban phah siew tam ia ki paidbah, bad ia kane haduh mynta ka Sorkar ka dang iakren ban pyrshang ban pynbeit.
Â