Shillong: Ki nongshet ja skul mynta ka sngi, kila ia mih paidbah ban shong kyrain ryngkat ki plakad da kaba mih na ki skul, ban pynpaw sha u Myntri Rangbahduh ka ri u Narendra Modi ba un pynkiew noh ia ka bai shet ja sngi ia ki khynnah skul.
Shi bynta halor kane, kine ki nongshet ja sngi, kila ialum lang khrui ha Khyndai Lad, Shillong ban pynsngew sha ka sorkar India ia ki jingeh ba ki iakynduh.
Ki nongshet ja skul ha ka shatri ka Union of Cook cum Helper PM POSHAN Meghalaya, Shillong ki don kumba 20 hajar ngut hapoh ka jylla Meghalaya.
Ka President ka kong Gina Nengnong ka la ong ba Kajing wan lang ban kyrpad ia u Myntri Rangbahduh ka Ri India ban bteng ia kane ka skhim PM POSHAN bad ban pynkiew ia ka jingsiew jongki kaba dei ban ioh na ka Sorkar pdeng na ka T.900 shibnai kaba ju ioh baroh shi katta bad ki Kyrpad ba kin kyntiew sha ka T.9 hajar tyngka shibnai.