Shillong: Uwei u samla ula ngat ha shrip ki pulit ka ANTF katba u dang pynmareh sted da ka Scooty ban leit die ia u drok. Kane ka la jia ha ka miet sngi Nyngkong ha Lad Umiam, ha kaba ki pulit ka ANTF kila ioh bat ia une u nongkhaii drok katba u pyrshang ban phet krad na ka jingtalasi ki pulit.
Katkum ka khubor na ki pulit, kawei ka scooty ML 05 AB 9546 ka dang wan kiew sha thain Shillong ha ka por 11 baje eiei mynmiet hynrei katba ki pulit ki dang pyrshan ban bat, ka la pynher sted pynban bad ha ka jingkthong kila ioh bat ia u briew uba la tip kyrteng kum u Jaziel Nongjop Syiem.
Na ka met jong u, la ioh kurup ia u suba heroin u khia 21.71 gram bad la pynngat ha ka NDPS Act.
Ngat u samla ba khaïi drok ha ki ANTF shiteng synia da scooty
