Shillong: Ka jingbang jingthiang ka jingshngaim ka sohtrun na Meghalaya ka la pynjaw um biah ia ki paidbah ka nongbah Delhi haduh ba kim lah shah khlem wan thied mar mar sha ka iew kaba lai sngi kaba la pyllong ka sorkar jylla.
Ka jingbun um bad ka jingthiang ka sohtrun na Meghalaya na them Bhoi, ka la khring lin ia ki briew ka nongbah Delhi.
Haba kren bad ki nongrep sohtrun kila iathuh ba ha kane ka kynti, kila wanrah sohtrun haduh 5 hajar kuri kaba mut 1 lak tylli. Kawei ka sohtrun ki die T.80 tyngka bad 5 hajar kuri ka la kot sha ka T.80 lak tyngka eiei.
Ki nongrep kynthup u bah P Rynghang bad bah B Timung na them Bhoi, kila iathuh ba mynshem ki wanrah sohtrun kham duna namar ba kim pat ioh ia ka syrnot organic hynrei mynta kila wanrah 20 kuri hadien ba la ioh ia ka syrnod organic ban pynshisha ba ka sohtrun kaba ki thung ka dei kaba pyndonkam da ka dawai sboh mariang.
Ula ong ba kane ka sienjam ba leh ka sorkar ka la iarap shibun ia ki nongrep ban ioh iaka iew ka hat bad ka la kyntiew ia ka ioh ka kot jongki.
U Bah B Saiborne u director ka Food Processing ka jylla ula iathuh ba la wanrah kumba 200 ngut ki nongrep sha katei ka iew bad la wanrah ruh bun ki mar rep nalor ka sohtrun. U la ong ba la wanrah 30 ton u sohtrun hynrei ym lah shan tang 3 sngi ruh, la lut ploin na ka jingwan tuid palat ki nongthied. Ula ong ba kane ka iew ka la iarap ia ki nongrep bad ka sorkar kan nang iai iarap shuh shuh ia ki ha ki sngi ban wan.
5 hajar kuri tam lut plain ka sohtrun na Meghalaya tang ar sngi ha Delhi
