Shillong: Ka surokbah Two Lane ka la dkut thui harum Laitlyngkot mynta ka sngi na ka jingjynrat ka um.
Kane ka jingdkut ka surok ka dei ha ka bynta jong ka 25+200 chainage harum ka shnong Laitlyngkot ka surokbah 260 jong ka Shillong-Pynursla-Dawki kaba dang iaid ka jingtih ka kompeini shaid shaid.
Ka jinglong jingman ka long kaba shyrkhei ha kaba ym don surok shuh bad la khuid ploin bad ha jaka ba don ka surok, la mih sa ki riat bah kaba jrong ngai ly ngai. La iohi ba ka um ka la tuid sha surok hadien ba ka nala ka la shah khang ha ki maw bad kane ka daw, ka la pyllong ba kan ksam haduh ban dkut syndon ka surok plain.
Hajan katei ka jaka kumba katto katne spah metre, ka la ju don ka jingtwa lynter ha kine ki sngi, ha kaba ka la buh ka jingma ia ka leit ka wan jong ki kali.
Ka jingtwa ka la khang lad sbak ia ka leit ka wan kaba lah ban shim por da ki bnai sha katei ka thain Pynursla bad khlem pep kan ktah jur ia ka thain Riwar mihgi baroh kawei.
Ha kane ka juk ka bynta ruh, shajan lad Massar shwa ban poi sha Rngain, ka la don ka jingtwa kaba jur kaba lah ktah jur ia ka jinglong jingman ka surok bad ka puhshilum kala rah ha ka twa shariat.
Jah ka surok Shillong-Pynursla-Dawki harum Laitlyngkot | shah rong ka JCB sha riat ha Lad Massar shwa ban poi Rngain
