Shillong: Mynta ka sngi, ki khlieh nongsynshar ka Hima Sohra bad ki riew rangbah kila wan kynduh ia u Lat ka jylla u CH Vijayashankar ha Lok Bhavan, Shillong ban kyntu ia u Lat ban tuklar halor ka jingkuman bad mynthi ka Executive Committee ka KHADC ban ym ai sanad ia u Marremdor Syiem, kum u Syiem ka Hima Sohra.
U nongaiktien ka kynhun ki Khlieh Nongsynshar, u Paiem Laborious Manik Syiem ula ong ba hapdeng ka jingpynshai kaba bniah bha hynrei ding ding dang dang, ka KHADC ka la pynmih ia uwei pat u bym don shuh u thniang, ka lyngknot shong ha ka longiing syiem Hima Sohra.
U la ong ba ka jingwan mynta ka sngi, ka long ban iathuh ia u Lat ia ki bynta ba la iaid bad ba un leh ia ka bynta kum u khleh ka jylla katkum ka riti synshar ka ri halor ka jingleh palat pud kane ka EC ka KHADC ba mynta.
La ong ba wat ki phareng, ki burom ia ka rukom synshar tynrai, ki riti dustur jong ka Hima Sohra hynrei ha kane ka EC pat ka la khein dewthala pynban.
Ha kajuh ka por, u Paiem Laborious ula ong ba ka jingkylli ban pyllong ia ka elekshon kam don satia namar ba naduh ka dorbar kur Syiem, ka dorbar ba khraw bad ka dorbar Hima, ym don kiba mih ban ialeh ia ka khet Syiem hynrei tang u Marremdor marwei uba la mih bad haba leit ha ka niam ka shat ka khein, ka pynskhem ia kane.
Hadien ba la tur sha KHADC, sa ha u Lat kynduh ka Hima Sohra bym ai sanad ka KHADC ia u Marremdor
