Shillong: U Superintendent of Police (SP) ka East Khasi Hills u bah Vivek Syiem ula ong ba katkum ka kaiphod ka Post mortem, la kdew ba u bah Throphimos Khongmawloh, 30 snem na Pynter, um shym la khlad na ka jingmynsaw bad la kdew ruh ba don ki kynja ba nep ha kpoh jongu.
Haba kren mynta ka sngi, u bah Vivek ula ong ba ka post mortem, ka la kdew ba ka jingmong ka jingmynsaw ha ka met jongu kam shym la ialam sha ka jingiap jongu bad ha kpoh jongu, la don ruh ki kynja ba nep, kaba lah ban dei kumba kila ong ba u bam ia ka ïit.
Hynrei ula ong ba ka kaiphod ka Post mortem kam pat long pura namar ba la phah ban leh sa ia ka Toxicology bad ka Sporological report ban tip bniah ia ka jingkhlad.
Lah ban kdew ba u samla Trophimos Khongmawloh na ka shnong Pynter, East Khasi Hills harum ka Pynursla, u la khlad ha ka 7 tarik Iaiong 2026 halor ka jingkynnoh ba la shah bom shah tied.
Halor kane ka jingjia, 11 ngut ki nongialam shnong kila shim jamin na ka kashari.