Shillong: Ha ka 1tarik Jylliew 2026, U bah RM Shabong, Editor & Publisher Rupang, ula thoh sha U Conrad K Sangma, myntri rangbah ka Meghalaya, ha kaba ula ai jingiaroh ia ka jinglah jong u myntri rangbah, ban iakren bad ka sorkar India, na ka bynta ban pynrung ia ka ktien Khasi,Garo ha ki eksamin jong ka CBSE.
Halor kane kajuh ka mat, U bah Shabong, ula kyrpad ruh ia u myntri rangbah ka jylla, ba un iakren ia ka Ministry of Information & Broadcasting, jong ka sorkar India, ba kan pynrung noh ia ka ktien Khasi ha katei ka tnat, na ka bynta ba kan phah ia ki jingthoh kiba iadei bad ki advertisement lane kiwei ki kyrwoh khubor, da ka ktien Khasi. Ki don shibun ki jingpynbna, kiba ai jingtip sha ki nongpule kotkhubor Khasi, ha sor bad ha nongkyndong bad kumta, lada katei ka tnat, ka don ia ki nongtrei Khasi, kan long kaba myntoi, ha kaba ki jingthoh kin wan na ka kti jong ki nongthoh Khasi kiba tbit bad ba kin long kiba shai bad kiba don jingmut ia ki nongpule ia ki kotkhubor Khasi.
Ai khublei u Editor u Rupang ia u Conrad ba pynrung ia ka ktien Khasi
