Shillong: U Symbud Myntri Rangbah ka jylla u bah Prestone Tynsong ula buh jingkylli ia ki paidbah ka thain Sohiong, kin leh kumno namar ba ka surokbah Western Bypass ka la jan dep artad.
Hadien ba la dep ia kane ka surok, ki paidbah na ka thain Sohiong, kan long ka jingkyrkhu bakhraw ha kaba ki lah ban leit beit sak sha Guwahati.
U la ong ba ka kamram na ka sorkar, na ka party NPP, ki pyrshang kawei hadien kawei pat ka kular hynrei kaba sngewsih dang don kiba sngewthuh bakla. Kat kita ki roi ki par kiba la wanrah, ki dang kynnoh nongtuh.
Kum kita ki briew imat kim don shuh ka ktien bha bad balei kim don teng kiban khublei ia ka sorkar.
Ia kane u bah Prestone ula ong haba kren ha ka jingialang ka NPP ha Sohiong ha kane ka sngi Saitjain ka 30 tarik Jymmang, ha kaba ka NPP kala pdiang ia ki nongialam na ka UDP bad ka Congress kiba wan pyniasoh.
Ka Western Bypass la jan dep| da wanrah skhim 1 klur ruh ki kynnoh nongtuh: Prestone
