Shillong: Ki Pulit Ri Bhoi ha ka sngi u Blei kila dain kuna nokot na ki ar shaka, ki kali kiba pynkhein ain khlem jingmab bad ka kuna ka la kot sha ka T. 2 lak tyngka tang shi sngi.
La pyllong ia ka jingtalasi ia kine ki kali ha surokbah NH-6 ha Ri Bhoi ia kito ki nongniah kiba pynkhein ain bad ruh ki bym biang ia ki kot ki sla, ki bym deng tupia.
La talasi ia ki kali, ki ar shaka ha thain Umiam, Umsning, Quinine bad ha ki thain Nongpoh, ha kaba ki la ioh ban talasi ia baroh ki kali kiba kiew bad hiar.
Kila pynkdum ruh ia ki nongniah kali da u jingthew kyiad bad dain kuna ia kiba dih kyaid palat katkum ka jingthew.
Ia ki nongniah kiba bud ryntih ia ki kyndon Ain, ki Pulit kila ai jingiaroh tangba kila sneng ba kim dei ban tip sngi man ka por ba ki niah ia ki ar shaka.
Ka jingtalasi ki pulit ka long ban wanrah ia ka jingshngain ia ki bad kumjuh ia kiwei pat kiba iaid ba ieng.
Shah dain kuna nokot ki kali, ki ar shaka ba pynkhein ain ha ki pulit Ri- Bhoi
