Shillong: Shi bynta ban hikai ia ki paidbah ban iada haba mih ka jingialeh thma khamtam ka jingshah hiar thma na suin, ka tnad Civil Defence & Home Guards, Meghalaya, Shillong, kan pyni ia ki paidbah halor kane, lashai ka sngi.
Ia kane ka jingai jinghikai ia ki briew la tip kum ka “ARMEX-1 2026”, kaba la tbhah ka Home Affairs, sorkar India.
Ka jingai jinghikai kan long ha baroh ki distrik jong ka jylla kynthup ha nongbah Shillong, bad yn iashim bynta ki tnad sorkar bapher bapher naduh shipai, ki pulit, ki SDRF, Home Guards, Civil Defence Volunteers, Fire & Emergency Services, na ka koit ka khiah, ka tnad bording, ka SDMA, DDMA, DIPR, Dorbar Shnong, ki nongïalam shnong, NCC, NSS bad NYKS.
Ka Stage I, kan sdang naduh 3 baje janmiet haduh 4 baje janmiet ha kaba yn pynsawa ïa ka siren ha 3 baje bad ha ka por 4 baje yn pynsawa biang ban pyni “All Clear” bad ban pynkut ïa ka jingai jinghikai.
Ha Stage II, kan sdang ha 6:59pm haduh 7:02 pm, ha kaba ka siren kan pah ha ka por 7 baje ban pyni ba don ka jingshah hiar thma bad ki paidbah ki dei ban pyllip noh ïa ki ding jingshai, kum ka blackout bad kan kut ha 7:02 pm ban pynpah da ka siren “All Clear”.
U bah B Mukhim u Jt. director ka Civil Defence and Home Guards, bad bah Paul Shylla, Senior staff officer ka Directorate civil defence and home guards kila kyrpad ïa ki paidbah ban ïashim bynta pura ha kane ka jingai jinghikai namar ka long kaba donkam eh na ka bynta ka jingshngain ka ri bad ka jingïada ïa ki paidbah ha ka por jingïakynad ne jingïaleh thma.
Yn mutdur ba shah ther namding, bomb, pukni nar ka Shillong bad ki District
