Shillong: Wat hapdeng ka jingtlot bym don pyrthei shuh, hynrei u chairman ka Green Tech Foundation bah H. Bansiewdor Nonglang ula pyneh jubor ban kren ha u mouthpiece ryngkat ka jingjaw ummat hynrei ka mynsiem ba shynrang.
Kane ka jingpynreh u chairman ka GTF ban kren, ka la pynsngew myllung lut ia ki paidbah kiba don ha kane ka jaka haduh ba kila jaw ummat lut baroh bad u secretary ka GTF ruh bah Ritre Lyngdoh ula iam rangbah da ka jingsngew pangnud.
Ka jingshah thngan jong u bah H. Bansiewdor Nonglang ka la iaid sha ka 9 sngi kynthih haduh mynta ha madan Malki bad kane ka la pyllong ia u ban tlot jubor haduh bym long shuh ban bteng shah thngan katkum ka jinglong ka met jong u.
Ha ka jingpyrshang jong u ban kren katba lah, u la ong ba lada ki paidbah ki leit buh ia u sha hospital u kloi ban leit hynrei um treh ban leit marwei bad hangne ki paidbah kila lum ban rah noh ia u sha hospital namar ba um long shuh ban shah thngan bad ka lah ruh ban poi sha kaba sngewsih.
U bah Bansiewdor ula ong ba ka jingiap kam dei ka jubab hynrei ka dei ban ioh ia ka jingjop bad ula ong ba lada ki paidbah ki leit buh ia u sha hospital un leit hynrei marwei um treh satia. U la kyrpad ia ki paidbah ban wan phai biang sha Madan Malki ban pyndap katba u dang don ha hospital.
Jaw ummat lut ki paidbah ba pyneh kren u chairman ka GTF
