Shillong: Ha ka sngi baar mynta ka taiew, kumba ha ka por 11 baje eiei mynmiet, kiba sah hajan kila ioh sngew ia ka jingsawa kaba khampher kumba lynthem maw ne sawa kumba bret bom eiei bad ka la pynsngew pher namar ban bret niut ruh ka jingsawa kaba khampher kynsha. La iathuh uwei u samla ba ioh sngew ha kaba ia ka met jong ka longkmie la lap na nala kaba don markhap ka Nongrah bad Rynjah.
La suba ba ka met iap ka lah ban dei jong ka kong Eilang Phawa, 39 snem eiei, kaba la jah naduh ka 20 tarik Lber na Lawjynriew, Shillong katba ka shnong jongka, ka dei na thain West Jaintia Hills.
Ki pulit kila ong ba ka rukom lap ia ka met jongka, ka paw kumba la shah pyniap.
U Superintendent of Police (SP) ka East Khasi Hills bah Vivek Syiem ula ong ba ki pulit kila ioh ksai ia kiba donkti ha kane ka kam bad mynta kin dang thwet ban kem.
Ha kawei ka liang, ka President ka kong Bobina Dhar ka President Seng longkmie Lum Marboh Nongrah, ka la ong ba ki don ki briew kiba iathuh ia ka, ba ki iohi ia u Kennedy Khongsit uba shah kem dang shen halor ka jingdonkti ban pyniap ia u heprit Kyrshanbor Kharmudai 7 snem, u iaid lang bad ka kong Eilang Phawa. kaba don jingktah ha ka bor jabieng, kaba la lap ia ka met iap jongka mynta na nala ha khappud ka Nongrah bad ka Rynjah.
Ka kong Bobina ka la ong ba watla kam tip ia kata hynrei kaba lah ban pynshisha kan dei tang ka CCTV camera kiba don ha katei ka jaka ba ka die sha ha Nongrah.
Ka la iathuh ba mynta ka step, ki trai iing ki la ipher bha ia kawei ka byrni ha katei ka nala bad ynda ka la leit ka la iohi shisha ba ka byrni ka la boi skain bad mar mar ka la pyntip sha u Rangbah Shnong, Rangbah Dong bad ia ki pulit bad dei ynda la wan ki pulit, kila plie bad kila lap ba la boi ksain ba dei ka met iap briew.
Sawa kumba lynthem maw, iathuh ong u samla | ngi la ioh ksai: SP
