Shillong: Ka Hynniewtrep Youths’ Council (HYC) West Khasi Hills District mynta ka sngi, ka la leit ban kyrsiaw thiah ia ki para Khasi ha Shahlang, West Khasi Hills ba kin mih shakhmat ban trei ia ki kam, khlem ailad shuh ia kiba nabar.
Ha ka Jingialam u Samla Lumlang Kharsyiemlieh u President bad Samla Losbingnel Lyngkhoi President HYC Mawshynrut Circle, bad Samla Denis Nongbak President HYC Shahlang Area Unit, ki dkhot HYC da ki spah Ngut ki la hiar ha ka 4.4.2026 sha Iew Shahlang bad kila khang 180 tam ki dukan ki Bar jylla bym don Trading Licence na ka KHADC.
U samla Lumlang Kharsyiemlieh u la ong ba HYC West Khasi Hills District kan Kyrsiew Thiah ia ka West Khasi Hills District kum ka Iew Nongstoiñ, ka Iew Rambrai, iew Maweit, Iew Riangdo ba ki Khasi ki dei ban bat hi iaka Kamai kajih ha Iew ym ban ailad ia kiwei.
Ula ong ba ka KHADC kam dei shuh ban ailad ia ki Barjylla ban wan knieh iaki Trai ri trai Muluk shane hapdeng ka jur kyrduh kam.
Ha kane ka jingkhynra ka HYC, la don ruh ki pulit kiba pahara ioh mih kano kano ka jingjia.
Kyrsiew thiah ka HYC ia ki Khasi ha Shahlang, khang 180 tam ki dukan
