Shillong: U MDC ka BJP ha Garo Hills Autonomous District Council (GHADC) u Bernard Marak ula ong ba ula rah ia kane ka mat ban khang lad ia ki bym dei riewlum ban iashim bynta ha district council hynrei kim pdiang namar ba ki ong ba u dei na ka liangpyrshah.
Ia kane ula ong mynta ka sngi, haba kylli halor jingkam ei ka NPP ba ka la leh maka ia ka jingkhang lad ia ki bym dei riewlum ban iashim bynta ha ka District Council.
U Bernard u la ong ba u la rah ia kane ka mat ha ka dorbar ka GHADC ha u Nailur mynshem snem hynrei ki la kyntait mardor katba hadien ba la mih ka jingiakynad dang shen, kila khot dorbar shi sngi kila mynjur wut wut katba ha ka por ba u rah ma u, kim patiaw eiei.
U la ong ba ula rah ia kane mat ha utei u bnai ban pyllong kongsan ia ka synrod Schedule Tribe ia kiba ialeh ia ka elekshon sha GHADC.
U Bernard u la ong ba lada ka NPP ka shim burom ialade, ka shong ha ki namar ba kane ka kam, ka dei kaba la leh da baroh ki seng sain pyrthei bad ki paidbah ka jylla kila tip ia kane.
Nga la rah ia ka mat ST ha dorbar naduh u Nailur hynrei ka NPP ka kyntait, ki kynnoh ba nga dei na BJP: Bernard
