Shillong: U snem barim ula leit bad mynta la wan sa u snem thymmai 2026. Shibun ka sorkar ka la leh ha ka pule puthi, ka thaw kam thaw jam, ki kam pynroi hynrei lada kam phai khmat sha ki nongrep ka jylla ka nang sahdien bad khlem pep bun kin wan kiew noh sha sor ban wad jaka kpoh na ka jingsniew ka rep ka riang bad ka jingbym lah ban pyniaid iew ia ki mar ki mata.
La ioh ban iakren ia ki briew halor kaei ka jingkhmih lynti jongki na ka bynta u snem thymmai khamtam ba ka sorkar kan leh.
Na ka bynta kito kiba na nongkyndong, kila pynpaw ba ka sorkar ka dei ban phai khmat noh kham kyrpang ia ki nongrep ban pynbha ia ka rukom rep rukom riang, khnang ba kin lah ban kamai kham bha bad kumjuh ban plie lad ba kin lah ban die ia ki mar ki mata namar ba lada kam bha ka rep ka riang, ki briew na nongkyndong, kim banse ban kiew sha sor ban wad bylla.
Katba kiba sah ha sor, kila khmih lynti ba ka sorkar kan pynbha ia ka pule puthi ban wanrah ia ka jaka pule bapher bapher khnang ba ki samla kim donkam shuh ban leit shabar.
Ka sorkar ka dei ban phaikhmat kyrpang sha ki nongrep, hynrei hap kiew lut sha sor
