Shillong: Bunsien ka iew die syiar ka la ju thnem bha shwa ban wan u snem thymmai bad ia kane la ju sakhi man u snem khamtam ha basa syiar ha Khlieh Iewduh.
Da ki spah bad spah tylli ki syiar naduh ki syiar, syiar kroiler, syiar farm, kila iaid iew bha sha ki briew kiba wan thied ban khawai snem thymmai sha ki iing ki sem, sha ki wah ki um bad kiwei ki jaka ban bam sngewbha snem thymmai.
Kine ki syiar ki wan poi na kylleng ki shnong ka ri Khasi ban wan die ha kane ka sngi 31 tarik kaba kham long kyrpang bha namar ba ka dei ka jingiashoh doh syiar lashai ka 1 tarik, ka bym kai shuh.
Hynrei ha ka jingiakren bad ki nongdie syiar, kila iathuh ba mynta u snem ka iew die syiar ka la kham duna ban ianujor bad kiwei snem bad ka daw ka lah ban dei namar ba ki briew ki kham duk bad kawei pat ka lah ban dei namar ba ki la mih bun ki jaka die syiar, wat kiba na sem ruh kila shu leit shim da kaba order lypa.
Ka basa syiar ha Khlieh Iew ka la sawa bad thnem da ki jingpah syiar mynta ka sngi kiba la thep ha ki ruh bad kiba la sei ban pyni dor ia ki nongthied.
Kumba ka long ki syiar ki dei kiba ki paidbah ki ju lehkmen ban khawai snem thymmai bad kampher kumba ju long man u snem.
Ka iew die syiar shwa ka snem thymmai, mynta ka kham duna
