Shillong: Kum shi bynta ban kyntiew ia ka jingialehkai cricket ha ka Jaidbynriew Khasi, ka Sports Committee jong ka KSU sa shisien kan pynlong biang ia ka Maitshaphrang Khasi League T20 Cricket Tournament 2025 3rd Edition. Kane ka Tournament kan sdang ha ka 8 tarik u Nohprah 2025 bad yn pynkut ha ka 20 tarik jong une u juh u bnai.
Kane ka Tournament kan plie lad ia baroh ki samla Khasi kiba thrang ban kiew ha ka jingialehkai cricket. Shuh ha kane ka Tournament yn ailad kyrpang ia ki khynnah ba dang hapoh 19 snem bad 23 snem ka rta ba don ha baroh ki kynhun (teams) ki ban ia shim bynta.
Ia kane ka tournament yn pynlong ha 5 tylli ki madan ia lehkai, kata ha Urkaliar, Lawsohtun, Nongsder, Laitkor bad Polo.
Ia ki jingtip ba kham bniah phi lah ban ioh lyngba kane ka video.
Khot iashim bynta ialeh Kriket ka KSU ia ki samla Khasi
