Shillong: U MLA ba la rangbah bha ka NPP, uba dei ruh u Deputy Speaker u Timothy D Shira ula kam ba ula risain noh ia ka kam hadien ba u myntri rangbah ka jylla u Conrad K Sangma ula phun ia u mynmiet ba un risain noh na ka kam Deputy Speaker.
Haba kren mynta ka sngi, u Timothy ula ong ba khlem ong eiei na kaei ka daw ba un risain hynrei la shup hah ba un risain bad kum u briew ka party uba kohnguh sneng, u risain beit kumba la bthah kiba najrong.
Ula ong ba um kylli eiei ia ka daw hynrei kum u briew ka party u shu kohnguh beit beit. U Timothy ula ong ba um tip bad ka shong baroh ha ka rai u myntri rangbah bad u long uba kloi ban shim ia kano kano ka kam kaban sa bynshet ha u.
Mynta ka sngi, u Timothy ula risain noh na ka kam Deputy Speaker ha ka por 9 baje mynstep ha u Speaker, uba la pdiang ia kane ka shithi jongu.
Ha kawei ka liang, la ioh jingtip ba ia ka kam Deputy Speaker lah ban shimti noh u MLA ka Mylliem u bah Ronnie V Lyngdoh uba dang rung sha ka NPP dang shen.
U MR u phun mynmiet ia nga, u ong risain noh, ngam tip kaei ka daw, nga shu risain beit: Timothy
