La batai ia ka ‘Waqf’ kum ka jingaiti pura da uno uno u briew ia kano kano ka mar kaba lah ban pyniaidiew ne bym lah ban pyniaid iew na ka bynta kano kano ka jingthmu kaba la ithuh da ka Ain Muslim kum kaba khuid, kaba iadei bad ka niam lane kaba ai sngewbha.
Ka Jinglamphrang
Ka India ka la trei ban pynbeit bad iada ia ki jaka jong ka Waqf, kiba don ka jingmut ha ka niam, ka imlang sahlang, bad ka ioh ka kot. Ka ain kaba kongsan kaba nyngkong, ka Waqf Act jong ka snem 1954, ka buh ia ka nongrim ban pyniaid ia kine ki jaka. Katba nang mih ki sngi, la pynthymmai ia ki ain ban pynbha ia ka jingpyniaid kam bad ban iada na ka jingpyndonkam bakla. Ka Waqf Amendment Bill 2025 ka thmu ban kyntiewia ka jingshai, ban pynkhlain ia ka jingpyniaid kam, bad iada ia ki jingdon jingem jong ka Waqf. Kine ki jingpynkylla ki bud ia ki rukom treikam kiba bha tam ha ka pyrthei.
Ka Waqf Act jong u snem 1995, kaba la pyntreikam da ka sorkar pdeng, ka pyniaid mynta ia ki jaka jong ki Waqf. Ki bor synshar ba kongsan ki long:
❖ Central Waqf Council (CWC) – Ka ai jingmut ia ka sorkar bad ki Board jong ka Waqf ha ki jylla halor ka polisi hynrei kam synshar beit ia ki jaka jong ka Waqf
❖ Ki State Waqf Board (SWB) – Pyniaid bad iada ia ki jaka Waqf ha man ki jylla.
❖ Ki Waqf Tribunal – Ki bor bishar ba kyrpang kiba pynïaid ïa ki jingïakajia ba ïadei bad ki jingdon jingem jong ka Waqf.
Kane ka rukom ka pynthikna ia ka jingpyniaid kaba bha bad ka jingpynbeit stet ia ki jingeh. Ha ki snem kiba la leit noh, ki jingkylla ha ka ain ki la pynlong ia ka bor pyniaid Waqf kaba kham shai, kaba kham sted, bad kaba don ka jingkitkhlieh.
Ka jingpeit ia ka histori jong ka Waqf ha India
Ia ki jaka Waqf ha India la pynbeit da ki katto katne ki ain ban pynbha ia ka jingpyniaid bad ban iada na ka jingpyniaid bakla:
1. Ka Mussalman Wakf Validating Act, 1913:
o Ka ailad ia ki Muslim ban thaw ia ki Waqf na ka bynta ka jingmyntoi jong ka longiing, kaba ialam sha ki jingthmu ai jingiarap.
o La thmu ban pynbha ia ka jingpyniaid ia ka Waqf hynrei kam shym la long kaba treikam bha.
2. Ka Mussalman Wakf Act, 1923: La wanrah ia ki kyndon na ka bynta ka jingkhein jingdiah kaba biang bad ka jinglong shai ha ka jingpyniaid ia ka Waqf.
3. Ka Mussalman Wakf Validating Act, 1930: Ka pynkhlain ia ka jinglong ain jong ki Waqf jong ka longiing, kaba ai jingkyrshan katkum ka ain ia ka ain jong u snem 1913.
4. Ka Wakf Act, 1954:
o La thaw ia ki State Waqf Board (SWB) ha ka sien kaba nyngkong ban peit ia ki jingdon jingem jong ka Waqf.
o La pynkhlain ia ka rukom pyniaid ia ka Waqf hadien ba ka India ka la ioh ia ka jinglaitluid.
o La seng ia ka Central Waqf Council jong ka Ri India ha u snem 1964 ban peit ia ki Board Waqf jong ki Jylla bad ai lad ban pynlong pdeng ia ki Waqf.
o Kane ka kynhun pdeng ka peit ia ki kam hapoh ki board Waqf bapher bapher jong ka jylla kiba la seng katkum ki kyndon jong ka Section 9(1) jong ka Waqf Act, 1954.
5. Ki jingpynkylla ia ka Wakf Act, 1954 (1959, 1964, 1969, bad 1984): Kine ki jingpynkylla ki thmu ban pynbha shuh shuh ia ka jingpyniaid ia ki jingdon jingem jong ka waqf.
6. Ka Waqf Act, 1995: Kane ka ain ka pynduh noh ia ka ain jong ka snem 1954 bad ki jingpynkylla jong ka:
o Ia kane la pynlong ain ban synshar ia ka jingpyniaid ia ki jingdon jingem jong ka Waqf ha ri India.
o Ka ai ia ka bor bad ki jingtreikam jong ka Waqf Council, ki State Waqf Board, bad u Chief Executive Officer, bad kumjuh ruh ia ki kam jong ki mutawalli.
o La thaw ia ki Waqf Tribunal, ki iingbishar ba kyrpang kiba don ia ka bor ba iadei bad ki iingbishar paidbah.
o Ki rai jong ka Tribunal ki long kiba khatduh bad ym lah ban tuklar ha ki iingbishar paidbah.
7. Ka Waqf (Amendment) Act, 2013 ka la wanrah ia ki jingkylla kiba kongsan kynthup:
o La thaw ia ki Waqf Tribunal ba don lai ngut ki dkhot, kynthup ia u riewshemphang ha ka ain Muslim.
o Donkam arngut ki dkhot kynthei ha man ki Board Waqf jong ka Jylla.
o La khang ban die ne ai sngewbha ia ki jaka jong ka Waqf.
o La pynkiew ia ka por ai wai ia ki jaka jong ka Waqf na ka 3 snem sha ka 30 snem khnang ban pyndonkam bha.
8. Ka Waqf (Amendment) Bill, 2025, bad ka Mussalman Wakf (Repeal) Bill, 2024
● Ka thmu ban pynthymmai ia ka rukom synshar Waqf, pynduna ia ki jingiakhun lyngba ka ain, bad pynbha ia ka jingtreikam.
● Ka ialeh ban pynbeit ia ki jingeh ha ka ain jong u snem 1995 bad ka jingpynkylla jong u snem 2013.
Ki skhim jong ka Tnad Minority Affairs
La pyntreikam ia ka Quami Waqf Board Taraqqiati Scheme (QWBTS) bad Shahari Waqf Sampatti Vikas Yojana (SWSVY) da ka Tnad Minority Affairs (MoMA), Sorkar India. Kine ki artylli ki skhim ki long na ka bynta ban pyntreikam hi bad pynthymmai ia ki State Waqf Board.
● Hapoh ka QWBTS, la ai jingiarap na ka sorkar (GIA) sha ki Board Waqf jong ki Jylla lyngba ka CWC na ka bynta ban pyntreikam ia ki briew ban donkam ia ki kor kompiwtor bad pynlong digital ia ki jingthoh jong ki jaka jong ki waqf bad ban kyntiew ia ka jingpyniaid jong ki Waqf Board.
● Ka SWSVY ka ai ram khlem jingsiew sut sha ki Board bad ki jaka treikam jong ka Waqf ban kyntiew ia ki projek ba iadei bad ki kam khaii pateng ha ki jaka jong ka Waqf.
● La pynlut T.23.87 klur bad T.7.16 klur hapoh ka QWBTS bad SWSVY naduh u snem 2019-20 haduh u snem 2023-24.
Ka jingpeit ia ki jaka jong ka Waqf ha India:
Katkum ka jingtip ba lah ban ioh na ka rynsan WAMSI 30 tylli ki Jylla/UT bad 32 tylli ki Board ki la iathuh ba ki don 8.72 lak tylli ki jaka, kiba kynthup ia ka jaka palat 38 lak akar. Na ki 8.72 lak tylli ki jaka, 4.02 lak tylli ki dei ki Waqf da ki nongpyndonkam. Na ka bynta ki jaka Waqf kiba dang sah, la buh ia ki kot ki sla (ki dulir) ba pynskhem ia ka hok long trai ha ka rynsan WAMSI na ka bynta 9279 tylli ki case bad la buh tang 1083 tylli ki kot Waqf.
(Haduh u Lber 14, 2025)
Ka Tyllong: https://wamsi.nic.in/wamsi/dashBoardAction.do;jsessionid=40F3DA0F79ED801CE30802EB0F326394?method=totalRegisteredProp
Ki jingtip shaphang ki jingkhein katkum ki jylla bad ka jaka jong ka Waqf (haduh u bnai Nailur 2024)
Sr. No. Ki State Waqf Board Ka jingdon ki jingdon jingem baroh Ka jaka baroh ha Acre
1 Andaman and Nicobar Waqf Board 151 178.09
2 Andhra Pradesh State Waqf Board 14685 78229.97
3 Assam Board of Waqfs 2654 6618.14
4 Bihar State (Shia) Waqf Board 1750 29009.52
5 Bihar State (Sunni) Waqf Board 6866 169344.82
6 Chandigarh Waqf Board 34 23.26
7 Chhattisgarh State Waqf Board 4230 12347.1
8 Dadra and Nagar Haveli Waqf Board 30 4.41
9 Delhi Waqf Board 1047 28.09
10 Gujarat State Waqf Board 39940 86438.95
11 Haryana Waqf Board 23267 36482.4
12 Himachal Pradesh Waqf Board 5343 8727.6
13 Jammu and Kashmir Auqaf Board 32533 350300.75
14 Jharkhand State (Sunni) Waqf Board 698 1084.76
15 Karnataka State Board of Auqaf 62830 596516.61
16 Kerala State Waqf Board 53282 36167.21
17 Lakshadweep State Waqf Board 896 143.81
18 Madhya Pradesh Waqf Board 33472 679072.39
19 Maharashtra State Board of Waqfs 36701 201105.17
20 Manipur State Waqf Board 991 10077.44
21 Meghalaya State Board of Waqfs 58 889.07
22 Odisha Board of Waqfs 10314 28714.65
23 Puducherry State Waqf Board 693 352.67
24 Punjab Waqf Board 75965 72867.89
25 Rajasthan Board of Muslim Waqfs 30895 509725.57
26 Tamil Nadu Waqf Board 66092 655003.2
27 Telangana State Waqf Board 45682 143305.89
28 Tripura Board of Waqfs 2814 1015.73
29 U.P. Shia Central Board of Waqfs 15386 20483
30 U.P. Sunni Central Board of Waqfs 217161
31 Uttarakhand Waqf Board 5388 21.8
32 West Bengal Board of Waqfs 80480 82011.84
Total 872328 3816291.788
Ka Jingpynkut:
Ki jingkylla ha ki aiñ Waqf ha India naduh u snem 1913 haduh u snem 2024 ki pyni ïa ka sienjam kaba khlaiñ ban ïada bad pynïaid ïa ki jingdon jingem jong ka Waqf na ka bynta ka jingmyntoi jong ka imlang sahlang katba ki dang pynthikna ïa ka rukom pyniaid kaba biang. Kawei pa kawei ka ain ka thmu ban pynbeit ia ki jingeh kiba mynta katba ka dang bat ia ka jingthmu ba kongsan jong ki jingai sngewbha Waqf. Ka Waqf Amendment Bill 2025 ka dei ka sienjam kaba kongsan ban pynlong ia ka jingpyniaid ia ka Waqf kaba kham shai, kaba don jingkitkhlieh, bad kaba kynthup lang ia baroh.