Shillong: Na ka jingshit jingkhluit palat ka suin bneng sha ri thor, ki briew kum na Assam bad kiwei ki jaka, kila wan tuid lin ban bam lyer pynngad sha kane ka rilum Khasi.
Ha ka jingleit iaid u nonglum khubor, la iohi ba ka Lum Er Pyngngad ha Umbir, Ri-Bhoi kaba ju tip kum ka Mini Pahalgam ha Jammu & Kashmir, ka la tuid lin ki briew nabar jylla ban wan bam lyer pyngngad bad kumjuh kiba na kane ka jylla.
Katei ka jaka, ka pynngad bha jai na ka jingiohi shynna ia ka pung Umiam, sawdong jongka ryngkat ki lum ki them kiba dap da ka rong jyrngam da ki dieng ki siej.
Hynrei kaba kham sngewthut ki briew ka dei namar ba ka surok ka la bun ba ka la pei bad jot na ka jingiaid ki kali na Marmaram shaduh Umsaw ban mih sha surokbah.
Da ki spah tylli ki kali kila tuid sha katei ka jaka ban bam lyer pyngngad bad katkum ka jingiathuh ki briew, kane ka la jia man ka sngi ha kane ka taiew.
Ba khluit sha rithor, wan tuid bam lyer pynngad lin ki briew sha Mini Pahalgam ha Umbir
