Shillong: Ka Hynñiewtrep Border Dispute Redressal Forum (HBDRF) ha ka jingialam u Chairman bah Chandame Sungoh kala kam ba ki paidbah ka Lapangab ki dang mut ba ka jingiasoi soskular ban shah ban rep ki briew na shnong Tapat, Assam, ka long tang ia ki jingthung ba mih katkum ka aiom, kum u kba, sla pathaw, riew hadem bad kiwei kiwei.
Hynrei mynta kila kyndit haba kila iohi ba ka bor sorkar na Karbi Anglong, Assam kila wanrah pynban da ki tractor, ki puhshilum ban lur ban rep ia katei ka jaka ha Lapangab ban thung da ki kait, ki sohtrun.
U bah Chandame ula ong ba imat ki Karbi ki thmu wanrah da ki skhim ha katei ka jaka lyngba ka Sorkar Assam lane lyngba ka Karbi Anglong Autonomous Council khnang ban ioh kam trai syndon ia ka jaka sha Assam.
Ula pynpaw ia ka jingsngewkhia ïa kane namar lada wanrah da ki skhim sorkar ha kitei ki jaka kam long shuh ban rep ban riang da ki trai shnong trai jaka.
Ha kajuh ka por, ka seng HBDRF ka pynpaw ka jingsngewnguh ïa ka sorkar Meghalaya bad Assam kaba lalah ban wanrah biang ïa ka shongsuk shong shngaiñ hapoh ka shnong Lapangap hadien ka jingleit hiar u Deputy Chief minister ryngkat ki minister ka jylla Assam bad ki CEM jong ka Jaiñtia Hills Autonomous District Council bad ka Karbi Anglong Autonomous Council.
Nang mut ka sorkular ban thung pathaw, lur pynban ka tractor, JCB| thmu kam ei syndon ia ka jaka
