Shillong: U nongaiktien ka BJP Meghalaya bah Mariahom Kharkhrang ula kyrmen ba shisien ka sngi, ka BJP kan sa ioh ia ka jingjop ha Mawlai.
Mynta ka sngi, da ki phew ngut ki paidbah na Mawlai hapoh ka jingialam bah Synshar Maiong kila wan ban iasoh sha ka BJP ha ophis ka party.
Haba kren sha ki lad pathai khubor, u bah Mariahom ula ong ba ka BJP kam ju ieh ia ka Mawlai, bad ha ka MDC elekshon kaba la dep ruh, ka la sei kyrtong katba kiwei ki shu ialeh mynleh.
U bah Kharkhrang ula kam ba ka daw kaba la pyllong ia ki paidbah ban sngew artatien ban jied ia ka BJP ha kine ki sngi ba la leit, ka dei namar ba kiba ialeh pyrshah kila shu ber bih da ka ktien niam ban kynnoh ia ka BJP namar ba kim ioh daw da kumwei ban kynnoh.
Hynrei ula kyrmen ba ki paidbah mynta kin sngewthuh ia ka jingshah ialam bakla bad ha ka elekshon ban wan, kin ai ka jingshaniah ban pynjop ia ka BJP bun ngut.
Katba u bah Khraw Jyrwa u la ong ba ka BJP ka dei ka party ka bym ju leh shiliang haba ka wanrah ia kano kano ka skhim sha ki paidbah.
Shisien ka sngi u lotus un sa phuh ha Mawlai | kim don daw da kumwei, ki pynshit da ka niam ia ka BJP: Kharkhrang
