Shillong: Ki nongdie madan ha sor Shillong kila rah da u sdie ban ring dur ia kaei kaba la jia mynshwa ha ka por ba ki dang iapyni bor ia ki pulit bad ki majistor ha ka por ba ki shah beh na thain Khyndai Lad.
Ia kane, kila leh drama ha ka jingrakhe dap 10 snem jong ka seng jongki, ka Meghalaya & Greater Shillong Progressive Hawkers and Street Vendors Association mynta ka sngi ha All Saint Hall, IGP Shillong.
Shi bynta jong kane ka jingrakhe, kila pyllong ruh ka jingphawar, ka jingialeh drama ban ring dur ia ka jingkynduh jongki kum ki nongdie madan.
Ha kane ka sngi la wan ban iashim bynta da ki nongdie madan na kylleng ki bynta jong ka sor Shillong, ban pynpaw ia ka jingiatylli.
La sakhi lang ka nongai buit jongki, ka kong Angela Rangad, u Pastor Kyrsoibor Pyrtuh bad kiwei pat ki riew paidbah kiba la wan ban ai mynsiem ha kane ka prokram.
Ym tang katta, la pynshongshit ruh ia ka jingrakhe da ka nongrwai ba pawnam ka jylla, ka kong Tipriti Kharbangar.
Ka jingrakhe kan neh haduh ka 27 tarik mynta u bnai bad ka seng ka la wer ia ki paidbah ban wan sakhi ia kine ki prokram kiba la pynkhreh kyrpang ha kine ki lai sngi.
Ryngkat ka phawar, rah sdie ki nongdie madan ba iapyni bor bad ki pulit
