Shillong: Ka Khasi Hills Autonomous District Council (KHADC) kala wanrah ïa ka mang tyngka kaba duna pisa T.16.92 lak tyngka jong u snem 2026-27 ha ka sngi sdang jong ka Dorbar Mang Tyngka ka Council kaba sdang ha ka sngi Balang.
U Executive Member ka tnad Finance u Bah Seiborlang Warbah, u la wanrah ïa ka jingmang pynlut kaba long arspah khatsaw klur, hynriewphew lak, khyndai hajar, sawspah shiphew tyngka (214,60,09,410) bad ka jingpynmih pisa ka long arspah khatsaw klur, sawphewlai lak, khathynriew hajar, hynñiewspah bynriewphew tyngka ,(214,43,16,760).
Haba wanrah ïa kane ka mang tyngka u Bah Seiborlang Warbah u la ong ba ka Executive Committee kan ym sangeh ban wad ïa ki lad ki lynti ha kaban pynkiew ïa ka jingpynmih pisa jong ka Council, ban pynjanai ïa ka rukom treikam bad bishar bniah bha ïa ka jingpynlut khnang ba kan long kaba ïaid beit.
Ula kyntu ïa ka Iingdorbar ban mynjur ïa ka mang tyngka namar ka Vote of Account ba 3 bnai kan sa kut noh ha ka 30 tarik u Jylliew.