Shillong: U MLA ka UDP na Ranikor bah Pius Marwein ula kyntu ia ki nongkitkam, ki nongialam bad ki nongkyrshan ka UDP ba kim dei ban shah ialam bakla ia ka khubor ka khlieng ka tyngab ka bym shisha.
Haba kren ha ka jingialang pynithuh ka UDP ia u kyrtong MP sha ka elekshon shiteng samoi sha Lok Sabha u bah Vivanstone Kharngapkynta, ha Mawngap mynta ka sngi, u bah Pius ula ong ba kito ki nia ban kynthoh bad pynmih ia ki khubor ba sniew ia ka UDP, ka mih na kiba ialeh pyrshah namar ba ha ka politik kila thaw buit laiphew jait.
U la ong ba ka UDP ka dei ka seng riewlum kaba rim bad skhem tam ha ka jylla haduh ba ula dap 36 snem mynta ban long MLA na kane ka party ruh ka dang ieng haduh mynta ban shakri ia ka jylla.
Haba pynkynmaw ia ka elekshon MP ha 2024 ha kaba u kyrtong ka UDP ula shah rem kput, u bah Pius ula ong ba ka umsaw ka wan tang shisien namar ba ha ka MP la ioh tang 6 hajar hynrei ha ka MDC elekshon la kiew biang sha ka 13 hajar tam.
U la ong ban shu kular, ban pynshongshit ka long kaba suk hynrei ka long kaba ma pat lada ym lah ban leh da ki kam.
Ka umsaw ka wan tang shisien ha ka MP 2024, ha MDC na Ranikor nga la kiew sha 13 hajar: Pius
