Shillong: Hynne mynstep ha ka por kumba 7 baje, la lap ïa ar ngut kiba la khlad noh, kynthup ïa kawei ka samla kynthei bad uwei u samla shynrang, kiba la suba ba kila sdien paidbah ha kawei ka bynta shnong ha Lumsohphoh, harud ka surok Shillong-Jowai.
La ithuh ïa kitei kiba khlad noh kum ka Samla Pronome Hajong, 22 snem ka rta, kaba na Balat, South West Khasi Hills District, bad u Samla Semanto Hajong, 21 snem ka rta, uba na Ranikor, South West Khasi Hills District.
La rah noh ïa ka met jong ki sha NEIGRIHMS ban leh ïa ka Post-Mortem Examination. Katkum ka jingïoh lum jingtip ha ka jingtohkit ba nyngkong (Inquest), la suba ba kane ka dei ka jingpynïap hi, hynrei ka jingïathuh paidbah kaba tikna shaphang ka daw jong ka jingïap kan sa paw hadien ba la ïoh ïa ka kaiphod Post-Mortem.
Katkum ka Jingpyntip na ka Liang u SP U Bah Vivek Syiem ba la register ïa ka Unnatural Death (UD) Case ha Laitumkhrah Police Station bad ka jingtohkit ka dang ïaid shakhmat
U shynrang na Ranikor, ka kynthei na Balat kiba suba sdien phasi ha Lumsohphoh, Shillong
