Shillong: U MLA ka Mawsynram bah Olland Singh Suin ula ong ba ka jingpynheh ia ka surok na Phlangwanbroi sha Ranikor la sdang ka jingtrei katba na Weiloi sha Phlangwanbroi dang pynkhreh ban khot tender.
Ia ka surok na Phlangwanbroi sha Ranikor la sei na ka pla ka sorkar jylla katba na Weiloi sha Phlangwanbroi yn bei ka World Bank bad yn pyndep ia ka jingtrei ha ki 2 snem.
U bah Suin ula ong ba ynda la dep ia kane ka surok, kan pynaram jai ia ka leit ka wan bad kan pynsngew tynnad ia kiba wankai sha ka thain Mawsynram bad kane kan kyntiew ia ka kam jngohkai.
Kawei pat ka projek kaban rah ia ka thain Mawsynram ka dei ynda la dep ia ka rain museum ha Mawsynram kaba dang iaid ha ka jingshna.
U bah Suin ula ong ba ula iakren ia u symbud myntri rangbah bah Prestone Tynsong ba ka la donkam ban pyniasoh ia ka Sohra bad ka Mawsynram lyngba ka surok na Dewsaw sha Nongwar.
Na Dewsaw sha wah Umiam ka jingshna ia ka surok ka dang iaid bad na Sohra lyngba ka Nongwar sha Phali ruh kumjuh.
Ka surok na Phlangwanbroi sha Ranikor la iaid, na Welloi sha Phlangwanbroi dang pynkhreh
