Shillong: Ki seng sain pyrthei kiba don ha ka sorkar MDA-2, kila mynjur lang shrup ia ka kyrteng u James PK Sangma ban long u kyrtong MP sha ka Rajya Sabha na Meghalaya.
Ka elekshon kan long ha ka 18 tarik mynta u bnai hadien ba ka samoi jong u Dr. Wanwei Roy Kharlukhi ka la kut mynta u bnai.
Ka jingialang ka Sorkar MDA -II kaba don lang ka UDP, BJP, HSPDP, bad MLA shimet kaba long mynta ka sngi, kila mynjur ia ka kyrteng u James PK Sangma bad khlem pep, la sngewthuh ba u James un shut hep kol kynthei namar ba ka MDA ka la don lypa 51 ngut ki MLA ha ka iing dorbar kaba 60 ngut katba ka liangpyrshah ka don tanfg 9 ngut kynthup ka TMC 5, bad ka VPP 4 ngut.
Ha ka jingshisha, kiba paw kyrteng ban iakhun ia ka MP Rajya na ka MDA ki dei u bah Himalaya Shangpliang, bad bah Hamletson Dohling baroh ki dei na ka NPP.
U Secretary ka Parliamentary Party jong ka MDA -II, u Bah Paul Lyngdoh u la ïathuh ba la rai ban bud ïa kaei kaba ju leh ban kyrshan ïa u kyrtong jong ka seng kaba heh paid, bad la mynjur ïa u kyrtong jong ka NPP, u James PK Sangma ban phah sha Rajya Sabha.
U James Sangma un leit thep kyrteng ha ka 5 tarik ha ka por kumba 2:30 mynsngi.
Duh u bah Hima, bah Hamlet, yn thep kol kynthei u James kum u kyrtong MP sha Rajya Sabha
