Shillong: Ka Meghalaya Youth Federation (MYF) Banglasohphie Unit ka la la lap ia ka jingjot jingpei ka surok rathai ba la satah sa tang ki thliew ki syar na shnong Banglasohphie sha Sohksar.
Ha ka jingshisha, ki nongialam ka seng kila dep ban ai jingthoh bad kynduh ia u symbud myntri rangbah ba peit ia ka PWD bah Prestone Tynsong naduh u snem 2024 hynrei haduh mynta jlam jlam khlem iohi dak eiei ban pynbha ia katei ka surok nalor kiwei pat, kynthup ka Surok na Laitarted sha Nonglyput, nangta na Nongthliew, Nonglyput, Banglasohphie sha Umsning, na Sohksar sha Kynroh bad na Banglasohphie sha shnong Mawiong.
U President ka MYF Banglasohphie unit bah Arius Basaiawmoit bad u secretary bah Sherbestar Kharthangmaw kila ong ba kila dep buh ia ka dorkhas ha u symbud myntri rangbah bah Prestone Tynsong naduh u 2024, pynban haduh mynta khlem iohi dak eiei ba ka tnad PWD kan pynbha ia kitei ki surok, kiba ai ka jingshakri ia ki paidbah ka thain.
Ka surok kaba la rathai sa tang ki thliew sha thain Banglasohphie, lap ka MYF
